Ainhoa Ezeizaren gogoetontzia

Select

EuskaraEspañol

Gai nagusiak

Amaraunean

Irakurrienak

Webgunearen Lizentzia

Nire Twitter: @ainhoaeus

Musika pixka bat

Proiektuen Mazedonia

Proiektuen Mazedonia Mazedonia de Proyectos

Hezkuntzako proiektuetan parte hartu eta jostatzeko gunea. Espacio para participar y jugar en proyectos educativos. Asociado a #unicolab-i lotua.

Lanean...

moodlemoot euskadi 07

Virtualcampusen aurkezten

Sagardotegian, iKide Team

Nor dabil?

Orain 22 bisitari On line

Trust and create

by Denise Carbonell on Flickr CC-by

"Trust and create"
Denise Carbonell on Flickr - CC-by

Liburuetatik Ikasten

Podcast

La literatura es un tesoro

Azken artikuluak

Proiektuetan Oinarritutako Ikaskuntza PBL unibertsitatean I

Igandea, 2010(e)ko abendua(r)en 26-(e)an 10:58etan

Metodologia aktiboak sustatzen Euskal Herriko Unibertsitatean (UPV/EHU)

Unibertsitatean hasi nintzenetik 2004/05 ikasturtean, lanean jardun dut nire lankideen formazioan, iKide sarean. Lehenik IKT plataformen erabilera tekniko-didaktikoan ikastaro labur eta luzexeagoak ematen aritu naiz (mordoxka bat) eta ikastaro horietan, nahiz eta printzipioz helburua tresnak erabiltzen ikastea izan, beti metodologia aktiboak sustatu izan ditugu. Irakasle askoren hitzetan, ikastaro horiek izan ziren didaktikara egiten zuten lehen hurbilpena.

2009/10 ikasturtean, berriz, proposamen interesgarria luzatu zidaten: Ikaskuntza kooperatiboa eta Proiektuetan Oinarritutako Ikaskuntza lantaldeko tutore izatea. Bi urteko formazioa da hau:

Lehen urtean, irakasleek proiektua eratu dute, irakasgaiaren %40 inguru beteko duena.
Bigarren urtean, proiektua martxan jarri(ko) dute ikasleekin eta praktikak erakusten duenarekin orraztu.

Bi urteko lanaren emaitza gisa, proiektua eta bere deskribapena, oharrak eta abar, metodologia aktiboen datu-basean sartuko dira besteren eskuragarri egoteko. Hala, irakasle hauek, ondoren hasiko diren irakasleen gidari izango dira, eredu edo adibide. Bi eratako aitortza izango dute: berrikuntzari lotutako aitortza eta lankideen aurrean izango dutena.

ERAGIN eta IKD, irakaskuntza hobetzeari begira

Programa hau, ERAGIN izenekoa, Euskal Herriko Unibertsitateko ikaskuntza-berrikuntza planean sartzen da eta IKD izenez bataiatu da: Ikasketa Kooperatiboa eta Dinamikoa. Plan honen bidez, hainbat programa koordinatzen da ikaskuntza hobetzeari begira. ERAGIN programan, hiru metodologia-talde egin dira:

Kasu-metodoa
Problemetan oinarritutako ikaskuntza
Proiektuetan oinarritutako ikaskuntza

Ni hirugarren metodologia-taldean nabil eta proiektuetako metodologia kooperatiboa garatzea erabaki da, alegia, ez da nahikoa proiektuak garatzen trebatzea, proiektu horiek kooperazioaren bitartez egitea bilatu nahi baita. Horregatik, egin diren proiektuak taldean garatzen dituzte ikasleek eta proiektua bera garatzeaz gain, bestelako teknikak eta jarduerak egin behar dituzte ikasleek kooperazio horretan trebatzeko.

Halako metodologietan tutore izatea ez da kontu erraza. Ni 7 proiektu tutoritzatzen ari naiz, gradu desberdinetakoak: Gizarte Lana, Lehen Hezkuntzako Gradua, Jarduera Fisiko eta Kirolen Zientziak eta Arte Ederrak. Proiektu hauek tutorizatzea ez da erraza, batez ere lehen aldia delako halako programa bat abiatzen dela gure unibertsitatean. Apustua garbia izan da: ikaskuntza kooperatiboan eta proiektuetan formatuko badugu, geuk ere metodologia horiek erabili behar ditugu formazio bide. Eta halaxe egin dugu.

Bi kooperazio-maila izan ditugu:

1) Tutoreen arteko kooperazioa: iKide sarean gabiltzanez, lehenagotik elkarlana-dinamiketan ohituak ginen eta hori abantaila handia izan da. Astero egin ditugu bilerak Skype bidez, talde bakoitzean sortu diren gorabeherak eztabaidatzeko eta elkarrengandik ikasteko.

2) Irakasle-partaideen arteko kooperazioa: Moodle plataformako foroen bitartez, aukera izan dugu denon artean ideiak trukatu eta eztabaidatzeko. Horrez gain, proiektuko fase bakoitza elkarri ebaluatu diote, elkar-ebaluazioa euren proiektuetan bertan aplikatu aurretik teknika honen indar pedagogikoa sakonki ulertzeko (baita inplikazio psikologikoak ere).

Emaitzak

Emaitzak oraindik partzialak dira, programaren lehen fasea 2010/2011 ikasturtearen amaieran itxiko baita. Hauek dira deigarrienak egiten ari zaizkidan iruzkinak:

Ikasleak espero baino askoz emaitza interesgarriagoak ematen ari dira. Hau oso garrantzitsua da ze, hasieran, nolabaiteko oposizioa erakutsi dute ikasleek, normala den bezala, baina proiektuan sartzen hasi diren neurrian, interesa handitzen joan dira eta irakasleak espero zuen baino emaitza hobeak erakutsi dituzte.
Irakasleak dozentziaz disfrutatu dute. Lan asko egin dute, besteak beste talde handietan metodologia aktiboak aplikatzea erotzekoa delako, ezin iritsi. Eta, hala ere, egin dituzten iruzkinak positiboak dira. Oso txosten onak egiten dabiltza alderdi negatiboak ere dokumentatzen dabiltzalarik, baina foroetan idazten ari direna positiboa da.
"Dei efektua" gertatu da: zenbait ikasketatan departamentuen aurkakotasun handia gainditu behar izan badute ere, beste kasu batzuetan irakasgaikideak ere inplikatu dira proiektuen garapenean eta ERAGIN II programan izen-emate handia izan da. Hainbat lekutan, taldeak sortzen hasi dira proiektu komunak garatzeko, irakasgaien artean.

Polita da ikustea nola ari diren irakasleak elkarri laguntzen: aholkuak emanez, euren esperientzia deskribatuz, ebaluatzeko tresnak trukatuz...

Emaitzak, jakina, ondo antolatuko ditugu eta datuak eta informazioa ondo prozesatuta argitaratuko dugu, lehen fase hau amaitu bezain laster.

BEHATU programa: tutoreon formazioa

BEHATU programa mugikortasun-programa bat da irakasleok metodologia aktiboetan formatzeko. Aurten, gure tutoreen taldeko bik eskatu dugu atzerrian formazioa jasotzeko aukera: Iker Ros eta neronek. AEBetako Buck Institute-ra joatea erabaki genuen, bertako PBL plana oso deigarria egin baitzaigu. Ez dira asko PBLean formazioa ematen duten prestigiozko ikastokiak eta are gutxiago dira Hezkuntza alorrarekin zerikusia dutenak. Badira beste batzuk medikuntzan, ingenieritzan, erizaintzan... baina ez dugu askorik topatu hezkuntzari lotuak.

Krisia dela medio, atzerapenez joango gara formazioa jasotzera baina azkenik, 2011ko urtarrilaren 4tik 6ra hartuko dugu parte Los Angeles-en PBL Workshop batean, eta 7rako bisita dugu hitzartua Buck Institute-ren egoitza nagusian, Novato-n, San Franziskotik gertu. Beraz, handik bueltan beste post bat idatziko dut bertan ikasitakoaren berri emateko.

Gomendatzen dizuet Buck Institute-ren webgunean bueltaxka bat ematea, material asko baitaude bertan. Oso atseginak izan dira gurekin, oso harrera ona eman digute. Bertan egiten dutena interesgarria iruditzen bazaigu, zubia eraikitzen saiatuko gara institutu horrekin elkarlanean aritzeko.

Comentarios

Añadir nuevo

Buscar

RSS

Escribir comentario

Nombre:

Email:

Website:

Título:

Código UBB:

Por favor introduce el código anti-spam que puedes leer en la imagen.

J. G. del Sol Cobos - ¿Novato? Really?

|2010-12-27 10:29:11

Me encanta ver algo a lo que pertenezco enmarcado en algo positivo, así que muchas gracias por vuestra labor. Eutsi gogor!

Responder Citar

Ainhoa

|2010-12-27 10:33:25

Gracias, Goyo. Se puede ser crítico con una institución sin que eso nos ciegue y podamos ver también lo positivo.

Son unos pasos en corto aún, pero se están abriendo caminos. Incluso aunque no lleguen lejos, al menos ayudarán a quienes sí quieren mejorar su trabajo.

Muchas gracias por el comentario